"Ерлік даңқы мәңгі есте" – Гүлдана Итибарова

Елім менің азаттықты аңсап шын,
Батырларым күнін кешті азаптың.
Жүректілер ерлігімен көрініп,
Сақтады әрбір жерін қазақтың.

Қалдырған бекем ерліктің белгілерін,
Қорғаған жан аямай елін,жерін,
Өшпес естен шығармаймыз санадан.
Дұшпанымен шайқасқан елдің ерін.

Ләззат,Қайрат секілді батырларым,
Өтті талай қиындық асуларын.
Сабирадай ерліктерін танытқан,
Өз өмірін өлшеусіз қиған жанын.

Қанша сұмды ерлігі бар талайдың,
Мен соларға мақтанышпен қараймын.
"Ерлік даңқы мәңгі есте" сақталып,
Ұрпақтарға үлгі боларын қалаймын.

Ұмыт болмас батырлардың ерлігі,
Біз үшін қорғау міндет ендігі.
Жалындаған бойымдағы өр рухты,
Өшіре алмас жалтаңдаған жауымның мүлдем ешбірі.

Мен сенемін ұлы ерліктер ізін әлі жалғайды,
Ерлік даңқы көкке қарай самғайды.
Еліміздің мақтанышын мәңгілік,
Халық жыр ғып әндетуден талмайды.