Ұрпаққа ұран – Ақмарал КАНАЛ

Кім білген мұндай заман тап келерін,
Кім білген жаман өлмей, жақсы өлерін.
Кім білген тыныш жатқан бейбіт елдің,
Қапелінде, басына бұлт төнерін.

Соғыс деген зұлымдықтың майданы,
Пайдасыз ғой, керек емес қайдағы.
Кім жасады қолдан бірақ соғысты
Іске асыру, жаулап алу ойдағы.

Балта шаптың, қидың елдің тамырын
Жаулап алдың түн ұйқысын, таң нұрын.
Фашизммен өткердің бе өмірді?
Еліңді де, жеріңді де қалдырдың.

Гитлер ісі туындауы соғыстың
Қара аспан нұрлы аспанмен тоғыстың.
Алып жерге көз тігуің қателік
Білмеймісің, таптап өтер жол үстін.

Қанша ұлттар қазағымды пана етті,
Жаназасыз, ізсіз-түссіз жан кетті.
Қай ғасырда, қай халықта болды екен
Қазағымдай ер көкірек, жанкешті?!

Елдік үшін тосты батыр кеудесін
Ерлік үшін мұндай сынақ ерге сын.
Қашаннан да қайсар туған батырлар
Елің үшін, жерің үшін төрдесің.

Халқы оған, батырларға артты үміт
Мазалады ойдағы бір сан күдік
Жеңілер ме, жеңілмес пе білмейміз,
Ең бастысы, халқы оларды шын күтіп.

Батырларым, айбарларым еліме
Жолатпады фашисттерді жеріме.
Аты мәңгі алтын болып жаазылар
Ұран болып есте қалар ерім де.

Батырларым болашаққа болды ұран
Майдангерлер алғы шепте нық тұрған.
Батыр өлмес, өшпес ердің ерлігі
Тас мүсін боп көз алдымда тұр тұлғаң.

Қорға, батыр, келешекте бұл елді,
Қастерле де аманаттап бұл жерді.
-деп батырлар ерлігімен айқасты,
Жеңіс келді, бейбітшілік күн енді.