Арманда – Айнұр Міркемел

Арманда, қалқам, арманда
Армансыз өткен жан бар ма?
Қанат бер қиял самғасын
Түбіне біреу барған ба?

Жері де қалмас кезбеген,
Әлдидің иісін сезбеген.
Сәбилі болсын әр ана,
Сәби деп мақсат көздеген.

Болмасын сәби тастанды,
Қалайша көңіл жасқанды?
Жүрмесін сәби бүлдіршін
Көгілдір шарлап аспанды

Әр сәби болсын дені сау,
Бұл да бір, шіркін, жеңіс-ау.
Арман ол жалғыз іске аспас,
Мақсат пен еңбек жеміс-ау.

Ізі де қалмас баспаған,
Жұмсамай ақша басқаға
Пендеге бір үй бұйырсын,
Арманы болса баспана.

Қиял мен арман ермек ет,
Мақсат қой алға еңбек ет,
Ниетпен таза қаласаң,
Аямай Аллам дем беред(і)