"Ақбөкен"

Ақбөкен
Табиғаттың сұлулығы Арқа белі,
Жусан мен көдесі өзен суы.
Өсімдігі, жәндігі, жануары,
Көрік берген даламның бұл - бір сыйы.

Әжемнің айтуынша байғұс бөкен,
Мыңдаған үйірменен жүреді екен.
Бұл күнде азайған ақбөкенді,
«Қызыл кітаптан» ғана біледі екем.

Екі көзі қап- қара мөлдіреген,
Екі танау әдемі желбіреген.
Бөкеннің сұлулығын Сәкен ақын,
Айшықты көркем жырмен кестелеген.

Мерген сымақ маралды атып алған,
Етіне талайларды тамсандырған.
Бүгінде ақ бөкеннің азайғаны,
Жанға батып ұрпаққа ой салдырған.

Бөкенді киелі аңға біз балаймыз,
Жан ұшырып заңменен қорғалаймыз.
Киік атып кәсіп қылған қаскөйлерді,
Баба салған жолменен жазалаймыз.

---