Ұлы Абайға арнау

Хәкім Абай – қазақтың данышпаны,
Арсыздық пен надандықтың қас дұшпаны.
Жыр – өлеңін ұрпағына мұра қылған
Ұлы Абай – даналықтың ұлықпаны.

Асыл сөздің, маржан тілдің түп атасы,
Текті халық, қазақтың ең данасы.
Бәрімізге үлгі болған ұлы Абайдың
Зор құрмет, бізге байлық – мол мұрасы.

Қазынамен пара – пар қара сөзі,
Қара сөзі адамдықтың қайнар көзі.
Қысылғанда тығырықтан шыға алмасаң,
Қасиетімен жазады Абай өзі.

Мұхтар жазған « Абай жолын » ашып қара,
Ұлы ойшылдың даңғыл жолы бізге сара.
Еш мұратқа еңбексіз жете алмайсың,
Еңбегімен еленген Абай дара.

Бес асыл іс – адамзаттың жақын досы,
Бес қашық іс – адалдардың көрмес қасы.
Өлмес, өшпес, қасиетті хәкім Абай
Кемел ақын, кемеңгер ғой, сөздің расы.



Тым мәні аз дүниеден түңілген-ді,
Қалам алып, бұл өмірге үңілген-ді.
Жақсы-жаман, адал-арам адамдарға
Жақсылықты үйрете алмай жеңілген-ді.

Көңілі қайтқан достан да, дұшпаннан да,
Ұлы Абайдан кім артық бұл жалғанда?
Күллі адамға қалдырған өсиеті
Нұр болып таралатын ұққан жанға.

Қара сөздің құдіретіне таң қаламын,
Ұлы Абайдың қасиетінен үлгі аламын.
Болмысынан дара туған бас ақынның
Інжу-маржан өлеңінен нәр аламын.

Жүз жетпіс бес жасың, міне, құтты болсын,
Қайталанбас нар тұлғалар артып, толсын.
Президенттің жарлығы жаңғыру боп,
Рухани байлығымыз қуат алсын.

---