Туған жер

Жақсы көрем, сүйем сені туған жер,
Алғашқы рет кіндік қаным тамған жер.
Әлдилеп, бесігіңде аялап,
Талай рет жөргегімді жуған жер.

Жақсы көрем, сүйем сені туған жер,
Қозы бағып, көбелегін қуған жер.
Асық, ләңгі теуіп қырында,
Қызық қуып, ойнақтаған думан жер.

Жақсы көрем, сүйем сені туған жер,
Әдемі ғой сен туралы жыр-әндер.
Тамаша ғой жусаныңның иісі,
Жетпейді оған түрлі-түсті сан гүлдер.