Тарбағатай-туған жер

Тарбағатай тарихта қалған атың бар,
Сен жайлы толғап жыр жазуға қақым бар.
Сенің төсіңде бүр жарған мен бір қызғалдақ.
Жырым –бұлақ, кел дағы дәмін татыңдар.

Тарбағатай төскейің, жота, қыратың,
Сан ғасырдан ұрпаққа жеткен мұратың.
Қарт Алтайға иығын тіреп тауларың,
Сүйсіндіріп мен мұңдалап тұратын

Толағай жатыр төскейін керіп тыныстап,
Аңыз ғып атын ақындар келген жыр ұштап.
Қойнауы құт, төрт түлік малы мыңғырған,
Ырғызбай әулие мекені болған Ақсуат.


Жамбылдай ұлы абыздың тиген табаны,
Отты жырымен тербеген байтақ даланы.
Тарбағатайлық білуге тиіс әр қазақ,
Веломарафоншы Түгелбек сынды ағаны.

Тарбағатайдың киелі әрбір тасы да,
Сөзге шешен қарты да, кәрі-жасы да.
Жетімді жебеп ,дарынды ұрпаққа жол ашқан,
Тарбағатайлық қазақтың Қанипасы да.

Сан тарихты жатыр басып төсіне,
Сахара жазық кең тыныстап көсіле.
Тарбағатай киелі атың Қабдештің,
Арқау болған әйгілі «Соңғы көшіне».

Тарбағатай- туған жерім, текті елім,
Абаштар туған дүркіретіп бөктерін.
Төскейіңде қауызын жарған мен бір дән,
Шуақты күнім, дауылды күнім көп менің.