Өлең, жыр, ақындар

Еске алу

  • 19.03.2020
  • 0
  • 0
  • 2750
Ғашық болдым дедің бе, сен, шырағым?
Міндің онда ақ арманның пырағын.
Айтшы маған, жүрек симай кеудеңе,
Көкіректе сеземісің жыр-ағын?
Ғашық болдым дейсің шырақ, япырмай,
Өмір сені алға бастап жатырғай.
Үлкендерде бір кездерде ғашық боп,
Азап шеккен таңдайына татырдай.
Болсадағы дҽмі соның аùылау,
Өз еркіммен мен де есігін аштым-ау.
Сенем сонда, жігіт, ғашық болдың деп,
Айтса саған ішпей-жемей массың-ау.
Сезсең егер өзіңді құс қанаты,
Сезсең егер сейістей ұшқан аты.
Сезсең егер өзіңді қас батырдай,
Бір сілтесең жоқ болар дұшпан аты.
Өлең айтсаң жүрек жарды тоқтамай,
Алғың келсе бар жаманды боқтап-ай.
Сенем саған сонда ғашық болды деп,
Қорғап қалсаң бейтанысты оқтан-ай.
Сезіміңді ұрлап, қорлап тықпасаң,
Қыз көзінен басқа заттан ықпасаң.
Десең егер, қауіп-қатер немене,
Көп болғанда өлтірерсің, мықтасаң.
Талай түнде жауын-шашын, шықтасын,
Білсең дағы сол сұлудың шықпасын –
Сенем сонда нағыз ғашық болды деп,
Қыз үйінің ық жағына ықтасаң.



Пікірлер (0)

Пікір қалдырыңыз

Адамдарға назам бар

  • 0
  • 0

Қабағандай арсылдаған адамдар,
Қыл-қыбырға қақалмаған қабандар,
Жоны қалың, жаны бітеу надандар,
Ар сатуға арланбаған жамандар,

Толық

Қара дауыл

  • 0
  • 0

Жеткенде қара дауыл азынаған
Шошыды үрейлі күй сазына жан.
Суық жел - мың найзалы, бет күйдірер,
Тәңірге болды қандай жазығы адам?

Толық

Көбірек пен азырақ

  • 0
  • 0

Тыңдаңыздар жыр айтамыз азырақ,
Тыңдаған жан айтып жүрсiн жазып ап.
Ұнап қалса, қол соқса ғой көбiрек,
Кемшiлiктi жөндеймiз деп тезiрек.

Толық

Қарап көріңіз