Өлең, жыр, ақындар

Аққулары – Ақтаудың, Атыраудың

  • 20.03.2020
  • 0
  • 0
  • 2461
Қызықты ма Атырау айдынына,
Қайдан көшiп, кереге жайды мұнда?
Апырым-ай, не деген ырыс едi,
Жаным жайлау, орын жоқ қайғы-мұңға!
Қызық күнiн тойлай ма, тәттi күнiн,
Тым ерекше гәккулеп жатты бүгiн.
Қанатының астында арман отау,
Аққу құстың белгiсi пәктiгiнiң.
Қызыл шырай, қара көз, қара сирақ,
Қара әппақ денеге, қара, шырақ!
Мiнсiз сонша табиғат мүсiндеген,
Қастерлеген, па, шiркiн, дара сыйлап!
Қаракөз қыз, ақ тонды, қара етiктi,
(Уыздай ғып, ғажап-ай, жаратыпты)
Уатып тұр жем берiп құс аруын,
Уылжыған өзi де дара тiптi!…
Аққулары Ақтаудың, Атыраудың,
Қызға, құсқа, көңiлiм, қатар аудың.
Сағынғаннан сiздердi жүрегiмде
Ендi, сiрә, айықпас жатар-ау мұң!



Пікірлер (0)

Пікір қалдырыңыз

Жүзінші тілек

  • 0
  • 0

Отырмыз біз ет пісірім қозғалмай
Жұқа жүйке, жұқа жерлер тозғандай.
Бұлақ болып ағып жатыр шарабы,
Желдей ескен, оңды-солды сөз қандай.

Толық

Ең бастысы "ой" деген оңдырмасым

  • 0
  • 0

Бір басымда бірнеше ғажайып бар,
Әр қайсысы ғаламат ғажайыптар.
Ең бастысы "ой" деген оңдырмасым,
Бірі мақтап, ал бірі, таза айыптар.

Толық

Бабалар бесігі

  • 0
  • 0

Маңғыстау даңқы ежелден мәлім жыраққа,
Лайық елге пірлерге ғана тұраққа.
Ғажайып өлке, жүрекке сезім құярдай,
Содан да болар ұл-қызы сәйкес ұлы атқа.

Толық

Қарап көріңіз