Әдептілік үлгісі

Өнегелі жол ұқсаң,
Әдебіңді дәлелдер.
Жасы үлкенге жолықсаң,
Бірінші боп сәлем бер!
* * *
Жасамас үшін ағаттық,
Тыңда ақылды, қабылдап.
Алдында ішер тамақтың,
Қолыңды жу сабындап.
* * *
Кітап оқы, ерінбе,
Ой-санаңды өсіріп.
Теледидар көруге,
Көп отырма тесіліп.
* * *
Үлкендердің сөзіне,
Араласпа, айтпаса.
Ұят болар өзіңе,
Қылығыңды байқаса.
* * *
Жолы болар адалдың,
Қия баспай, жүр абай.
Затын бөтен адамның,
Пайдаланба сұрамай.

(балаларға арналған тақпақ)

---