Жамбыл Ахатов

Жалған өмір

Бұл бетте «Жалған өмір» атты Жамбыл Ахатов жазған өмір туралы өлең берілген. Өлең мәтіні, текст, өлең жолдары және толық нұсқасын осы жерден оқуға болады.

zhambylakhatov4
22.03.2020
0
0
6582

Ақ көйлекті үстінде жасыл жемпір,
Сəні еді ауылдың шал мен кемпір.
Жалған өмір тоқтамай зымырайды,
Зымырайды, тағатсыз құрып кеткір.

Біреулердің бақ-жұлдызы жанбаған,
Біреулерді біреулер кеп алдаған.
Көкті тіреп тұрса-дағы бір жерде,
Уақытты ешкім сатып ала алмаған.

Өмірдің жалғандығы мұңайтады,
Өкпелілер өмірге сын айтады.
Біреулер қара сөзбен естелік қып,
Біреулер өлеңменен жыр айтады.

Беу өмір-ай!
Жырлап сені өтейін,
Жырға толып көкейім.
Ойға келсе өлең сөздің түйіні,
Жырлай алмай қалай ғана кетейін?!

Өмірдің отын жандырып,
Жүрсең де қанша сəн құрып.
Өтерміз бір күн өмірден,
Ештеңе жоқ қой мəңгілік.

Кейбіреулер арманға жетеді екен,
Оны ойлау бірақта бекер екен.
Арман қуып, өзінше өз жөнімен,
Өтеді де бұл өмір, кетеді екен...

Жамбыл Ахатов Жалған өмір Өмір туралы өлең Өмір Жалған дүние Жамбыл zhambylakhatov4 өлеңдері

Пікірлер (0)

Пікір қалдырыңыз

Жиі қойылатын сұрақтар