Өлең, жыр, ақындар

Күн қайда?

Айналайын Ақ Жайық,
Ат салмай өтер күн қайда?
Еңсесі биік боз орда,
Еңкеймей кірер күн қайда?
Қара бұланның терісін
Етік қылар күн қайда?
Көдіреден бау тағып,
Сауыт киер күн қайда?
Күмбір - күмбір кісінетіп,
Күреңді мінер күн қайда?
Толғамалы ақ мылтық,
Толғап ұстар күн қайда?
Алты құлаш ақ найза,
Ұсынып шаншар күн қайда?
Садақ толған сайкез оқ,
Масағынан өткізіп,
Басын қолға жеткізіп,
Созып тартар күн қайда?
Керт бұғыдай билерден
Ақыл сұрар күн қайда?
Бізді тапқан ананың,
Асыраған атаның,
Ризалықпен жайласып,
Қолын алар күн қайда?
Еділдің бойын ен жайлап,
Шалғынға бие біз байлап,
Орнықты қара сабадан
Бозбаламен күліп - ойнап,
Қымыз ішер күн қайда?



Пікірлер (7)

Максат

Керемет

Кура

Тамаша...

шахида

не деген шеберлiк мынау

Мага

Керемет тамаша он нан он бал

Асел

Оте тамаша. Ыздегенынды бырден табасын

забира

өте керемет жазылған

Баха

Өте керемет жүрегіме намыс берді

Пікір қалдырыңыз

Жабығу

  • 0
  • 5

Күн жадына қарасам,
Жеддінің оны - құралай.
Аспаннан борап қар жауып,
Аштырмайды көзімді,

Толық

Борай да борай қар жауса

  • 0
  • 1

Борай да борай қар жауса,
Қалыңға боран борар ма?!
Қаптай соққан боранда
Қаптама киген тоңар ма?!

Толық

Нарын

  • 0
  • 6

Абайламай айрылдым,
Ар жақтағы елімнен -
Анау Нарын деген жерімнен.
Тірі кеттім демеймін,

Толық

Қарап көріңіз