Айныман
- 1
- 3
Айтса-дағы айныман
Көлденеңнің сөзіне.
Әшкере болған ісім бар
Жайылған жұрттың көбіне.
Арғымақтан туған қазанат
Арғымақтан туған қазанат -Шабуыл салса нанғысыз.
Қазанаттан туған қаз мойын -
Күніне көз көрінім жер шалғысыз
Айырдан туған жампоз бар -
Нарға жүгін салғысыз.
Аруанадан туған мая бар -
Асылын айуан десе нанғысыз.
Жақсыдан туған жаман бар -
Күндердің күні болғанда
Жарамды бір теріге алғысыз,
Қасына адам барғысыз.
Жаманнан туған жақсы бар -
Атасын айтса нанғысыз!
Арғымақ, сені сақтадым
Арғымақ, сені сақтадым,
Құлағың сенің серек деп.
Азамат, сені сақтадым,
Бір күніме керек деп.
Жабыдан туған жаман ат
Шаба алмайды бөжектеп.
Қырдан қиқу төгілсе,
Еділге таман үңілсе,
Арғымақтың баласы
Шабушы еді безектеп.
Жақсыменен дос болсаң,
Айрылмас күні қос болсаң,
Басыңа қиын іс түссе,
Алдыңнан шығар өбектеп,
Жаныңа не керек деп.
Жаманменен дос болсаң,
Айрылмас күні қос болсаң,
Басыңа қиын іс түссе,
Басқа кетер бөлектеп,
Қолдан берер есептеп,
Сыртыңнан жүрер өсектеп.
Айғайласып жауға ти
Жапанға біткен бәйтерек -
Жапырағын байқасаң,
Жайқалмағы желден-ді,
Түбіндегі балаусасы белден-ді.
Хан-төренің кешігіп,
Кідірмегі елден-ді.
Кешіп өтпек сайдан-ды,
Шығынды болмақ байдан-ды.
Ақ киіктің орғытып,
Жүгірмегі майдан-ды,
Батыр болмақ ойдан-ды.
Айғайласып жауға ти
Тәңірім білер, жігіттер,
Ажалымыз қайдан-ды!
Арқаның қызыл изені
Арқаның қызыл изені -
Басы күрдек, түбі арал
Қыдырып шалар аруана.
Кәрісі кімнің жоқ болса,
Жасы болар дуана.
Бір сынаған жаманды
Екіншілей сынама.
Тіріде сыйласпаған ағайын,
Құм құйылсын көзіңе,
Өлгенде бекер жылама!
Пікірлер (11)
Пікір қалдырыңыз
Мен - қарақұстан туған қалықпан
- 1
- 3
Мен - қарақұстан туған қалықпан,
Сөйлер сөзге жалықпан.
Көп ортаға алғандай,
Көп соңыма түскендей,
Елмен қоштасу
- 1
- 6
Атама менің сәлем айт,
Атын басқа байласын,
Еменнен найза сайласын.
Достыны достым демесін,
Қарап көріңіз
Басқа да жазбалар
Пікірлер
-
Ок
Ок -
Әсел Айша
Өте ақылдымыз -
Динара
Шынымен де әдемі мектеп екен
Камила
Өте керемет өлең .Маған ұнайды.
Камила
Басқада махамбеттің өлеңдері бар ма?
Мандина
Махамбет Өтемісұлы деп жазылып тұрған автордың үстіне бассаңыз сол жерде бар, немесе мына сілтеме арқылы өтіңіз: http://bilim-all.kz/figure/66?posts=olen
Рамазан
Оте керемет
Айгул
Менин ойымша мектепте окушыларга Махамбеттин олендерин коп жаттату керек.Сонда балалардын тил байлыгы оте мол болады ари бул урпакка берилер нагыз патриоттык тарбие.Акыннын олендерин жаттап оскен бала ешкашан Отанын сатпайтын болады.
Мұрат
Дұрыс пікір. Кімге айтып жеткізерсіз? Қазақша білмейтін министрге ме?
ильяс
Керемет өлеңдер нағыз патриоттық өлеңдер
жанат
маган ұнады
Актилек
Керемет!
Ақниет
немесе сайттан іздеу дегенді бас сосын керек өлеңіңді жаз да гоу дегенді бас
Әнуар Нүрәли
маған ұнайды тағы жазыңышы