Екі бірдей сұр жорға

Ауылым көшіп барады көк қауланға, әй,
Жабағы арық, тай семіз көп сауғанға, ай-ду-ай!
Екі жастың тілеуін берген күнде, әй,
Қосып-қосып қойсашы көңілі ауғанға, ай-ду-ай.

Қайырмасы:
Екі бірдей сұр жорға,
Амал бар ма қу сорға.
Ебін тауып ойнасаң,
Нең кетеді бір жолға?

Көтеріңкі көрінер көл қабағың, әй!
Болар ма мұндай семіз тел жабағың ай-ду-ай!
Алыстан әдейі іздеп келгенімде,
Иіс майдай аңқиды ақ тамағың.

Қайырмасы:
Екі бірдей сұр жорға,
Амал бар ма қу сорға.
Ебін тауып ойнасаң,
Нең кетеді бір жолға?

---