Өлең, жыр, ақындар

Уа, халайық!

  • 01.04.2022
  • 0
  • 0
  • 1172
Уа, халайық!
Тұрыңдар!
Сот келеді!
Жалдауға —
Адвокаттың жоқ керегі,
Жүрміз біз бәріміз де кепілдікте,
Ғұмырымыз мәңгі емес,
Өтпелі өмір!
Өтпелі өмір!
Жадында жатталсын көп.
Жолдарда —
Бізді күтіп жатқан сын көп.
Кепіл — өмір берілген бәрімізге,
Уақыт — соттың алдында ақталсын деп,
Адамзат!
Ертеңіңді бесікте ойлан,
Туғанда-ақ тағдыр соты шешіп қойған.
Табиғат алаламай бәрімізді,
Өлімнің жазасына кесіп қойған.
Өмірдің алары аз,
Көп берері,
Ақтауға —
Адвокаттың жоқ керегі.
Әділетті,
Ең қатал Уақыт атты,
Уа, халайық!
Тұрыңдар!
Сот келеді!



Пікірлер (0)

Пікір қалдырыңыз

Самал жел..

  • 0
  • 0

Жібек желім, өзің ашып ұйқы әнін,
Дәм келгендей таңдайыма құйқаның,
Жел – анамның алақанын жеткізіп,
Желпіп-желпіп маңдайымды сипадың.

Толық

Дүние сенің жолыңда

  • 0
  • 0

Дүние сенің жолыңда,
Ереміз ілбіп соңында.
Бар тағдырың бір ғана,
Бір Алланың қолында.

Толық

Төсегіңнен қайта тұру – мықтылық

  • 0
  • 0

Төсегіңнен қайта тұру – мықтылық,
Жұмыр жермен келе жатам тік тұрып.
Көлеңкем де келе жатыр ербеңдеп,
Менің тірі екенімді ұқтырып.

Толық

Қарап көріңіз