Өлең, жыр, ақындар

Нағашым

  • admin
  • 07.09.2024
  • 0
  • 0
  • 436
Дәстүр салтты толғаммен,
Ордалы өмір орманмен,
Нағашының жолы үлкен,
Жиен-жиен болғанмен.

Ардақтайтын ауылым,
Қазақ жұртым қауымы,
Нағашымды пір тұтам,
Жан анамның бауырын!

Қайырмасы:
Ауыр тірлік жеңіл ме,
Саған ұқсап өмірде,
Бал қаймағын жегізген,
Тұрады әсте көңілде.
Жан анамның әкесі,
Естен кетпес тегінде!

Шексіз аспан көңіл кең,
Сыйласумен өмір кең,
Туған Анам бауыры,
Нағашымның жолы үлкен.

Нағашысы алдында,
Туған жиен бағы бар,
Жылу оты-жанның да,
Түл нағашым тағы бар.

Қайырмасы

Таулары бар, шыңы бар,
Панасы бар, ығы бар,
Нағашымен күрескен,
Жиен оңбай жығылар.

Жиен шырқап өседі,
Ақыл-оймен мұны ұғар.
Дүниеде ең жақын,
Нағашыдай кімі бар?

Қайырмасы



Пікірлер (0)

Пікір қалдырыңыз

Ай, өмір-ай, өмір-ай!..

  • 0
  • 0

Ай, Өмір!
Жеткізбейтін жүйріксін.
Өмірдегі тұлпарым,
Көгімдегі сұңқарым,

Толық

Кімнен кейін жанбаған көз арайың

  • 0
  • 0

Кімнен кейін жанбаған көз арайың,
Кімнен кейін қалмаған сөз ағайын,
Әр ғасыр сөйлетпей ме Махамбетін,
Әр ғасыр сөйлетпей ме өз Абайын?

Толық

Бейбіт құсы

  • 0
  • 0

Қарлығаштай қиял-арман,
Көкжиектен – қиялардан,
Бейбіт құсым самғай ұшшы,
Балапандай ұялардан.

Толық

Қарап көріңіз