Өлең, жыр, ақындар

Мамандық

  • 22.03.2020
  • 0
  • 0
  • 7071
Теміржолшы атам да,
Шығады алыс сапарға.
Сәнді киім тігетін,
Тігінші ғой апам да.
Әкем құрылыс салады,
Көркейтеді қаланы.
Анам менің ұстаз ғой,
Оқытқан бар баланы.
Пайдасы көп елге оның,
Салады ағам ел жолын.
Әпкем менің дәрігер,
Жасайтұғын ем-домын.
Білікті ғой бар маман,
Ұшқыш та бар самғаған.
Инженер мен заңгер бар,
Елге еңбегін арнаған.
Болашаққа жол алдым,
Кемелденіп толамын.
Бір мамандық иесі,
Мен де өскенде боламын.
* * *
Инженер, мұнайшы, дәрігер,
Құрметпен атайды бәрін ел.
Ең ізгі мамандық – ұстаздық,
Біліммен нұр құйған тәлімгер.
Құрылысшы зәулім үй салады,
Аграном тыңайтар даланы.
Журналист ақпарат таратар,
Шахтершы жерден кен алады.
Мүсінші, тігінші, зергер де,
Еңбегін өнермен берді елге.
Әскери маман мен кеденші,
Қорған боп тұрады ел, жерге.
Бар екен сан түрлі мамандық,
Қажет тек біліктік, адалдық.
Ардақтар әр маман иесін,
Ісіне шебер деп тәмам жұрт.

(балаларға арналған тақпақ)



Пікірлер (0)

Пікір қалдырыңыз

Ұлы далам

  • 0
  • 0

Ұлы далам –
Шежіре жыр, тұнған ән,
Сазыңа әлем құлақ түріп тыңдаған.
Адамзатта сенсің тұңғыш ат мініп,

Толық

Кітап

  • 0
  • 4

Әліппеден басталған,
Құштарлығым білімге.
Кітап бетін ашқаннан,
Оқимын көп білуге.

Толық

Айтыс

  • 0
  • 4

Ортаға сап өнерді,
Тарту етіп өлеңді.
Ақын қыздар қайдасың,
Айтысайық, кел, енді.

Толық

Қарап көріңіз

Басқа да жазбалар