Өлең, жыр, ақындар

Еркек-әйел қиялдайды

  • 11.04.2022
  • 0
  • 0
  • 932
Еркек-әйел қиялдайды,
Кім сұлуды сүйе алмайды,
Әйелдер ардан кетсе,
Еркектер жия алмайды.
Салмақтап көз сал әлемге,
Қай жерде болсын, қай елде.
Ұлт намысы – еркекте,
Ұлттың ары – әйелде.
Еркек-намыс аттанар,
Ар әйелге – бақ қонар.
Әйел – гүлі өмірдің,
Тағдырымен тапталар.
Бақыт іздеп келеді,
Сүйер жанға сенеді.
Әйел – гүлі өмірдің,
Нәзіктікпен жеңеді.
Нәзік дүние көне алмас,
Берер соққы ең алғаш.
Еркек-намыс от шашып,
Қаталдықпен жеңе алмас.
Көп қой шеңгел-тікені,
Жыл да жүріп бітеді.
Нәзік дүние қашан да,
Қаталдықты күтеді.
Жұлдыздар да сөнеді,
Сенбей кейде сенеді.
Қаталдық пен нәзіктік,
Қатар жүріп келеді.
Әлсіз кейде мықты бар,
Құтсыз кейде құтты бар.
Еркек пен әйел тоғысып,
Намыс пен ардан ұлт туар!
Салмақтап көз сал әлемге,
Қай жерде болсын, қай елде.
Ұлт намысы – еркекте,
Ұлттың ары – әйелде!



Пікірлер (0)

Пікір қалдырыңыз

Еңсеңді көтер! Ертеңге қара! Ертеңге!

  • 0
  • 0

Еңсеңді көтер! Ертеңге қара! Ертеңге!
Ертеңсіз бүгін, Мереке күйін шертер ме!
Болашағымыз — Сұлу да, Әсем, Көркем де,
Тәтті өмір жатыр қауындай құлап өркенге!

Толық

Асықпа

  • 0
  • 0

Түніменен бір сені ойлап
шықтым мен,
Сені ғана сүйеді екем
ұқтым мен.

Толық

Сені іздеп шыққан жолдарым

  • 0
  • 0

Сені іздеп шыққан жолдарым,
Сезімді баптай білген бе?
Мен кімге ғашық болмадым,
Өзіңді таппай жүргенде.

Толық

Қарап көріңіз

Басқа да жазбалар