Асыл сөз

Өлшеп сөйле қабырғаңмен кеңес те,
Біз де бір күн бала болдық жоқ есте,
«Әйел» дейміз біз ұмытып Әйелді,
Баламыздың жан анасы емес пе?!
Қайда жүрсем аңсап саған жетемін,
Ұя салған жанұям ғой мекенім,
Біз әйелді «әйел» дейміз, ұмытып,
Таңдап сүйген жан жарымыз екенін.
Ата-бабам айтып өткен ғасыр сөз,
Замандасым айтып өткен жасын сөз.
Қадірін біл, қолыңдағы алтынның,
Ғашық жарың — «Әйел» деген асыл сөз.

---