Сайтта техникалық жөндеу жұмыстары жүргізілуде. Қате байқалса, назар аудармауыңызды сұраймыз.

Шөмішбай Сариев

Домбыра туралы баллада

Бұл бетте «Домбыра туралы баллада» атты Шөмішбай Сариев жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

admin
16.02.2024
0
0
2825

1. Күй ойнайды қазағымның қанында,
Күй ойнайды қазағымның жанында.
Жүрегінің, жүрегінің, жүрегінің дүрсілі –
Күмбірлеген домбырасы барында.

Қайырмасы:
Бабамыздың мұңысың сен, домбыра,
Анамыздың сырысың сен, домбыра,
Қазағымның жүрегінен жаралған,
Даламыздың үнісің сен, домбыра!

2. Домбыра, бұл үнсіз қалып көрмеген,
Қуаныш та, қайғы-мұң да кернеген,
Үзіледі, үзіледі, үзіледі әуендер,
Ғашықтардың көз жасындай пернеден.

Қайырмасы.

3. Домбырадай шежіре жыр болмаған,
Даламыздың тағдырларын толғаған,
Армандарын, армандарын, армандарын халқымның,
Аманат қып ұрпағына жолдаған.

Қайырмасы.

Шөмішбай Сариев домбыра туралы өлең домбыра туралы баллада Шөмішбай Сариев өлеңдері

Пікірлер (0)

Пікір қалдырыңыз

Жиі қойылатын сұрақтар