Өлең, жыр, ақындар

Дала жыры

  • admin
  • 16.02.2024
  • 0
  • 0
  • 459
Жүрегіне қуаныш тола алар ма?
Бақыт құсы халқыма қона алар ма?
Әнмен таңын бабамыз қарсы алмаса,
Ән әлдилеп, даламыз ән салмаса.

Қайырмасы:
Қасіретті қайғы-мұңға қарамай,
Ән тербеген арман менің далам-ай,
Әншіл жүрек қайран менің бабам-ай.

Өркеш-өркеш өрелі құмдарымен,
Сағым-сағым сағыныш сырларымен,
Сапар шегіп жерімнің төсіменен
Көшіп-қонған елімнің көшіменен.

Қайырмасы.

Күмбір-күмбір ағатын бұлағымен,
Сылдыр-сылдыр қағатын құрағымен,
Мөлдір-мөлдір көкорай көлдерімен,
Шетсіз-шексіз меңіреу шөлдерімен.

Қайырмасы.

Бүгін әнін шырқайды қайта өмірім,
Даусы жеткен ғарышқа Байқоңырым,
Асқақ әнім, әлемге тарады үнім.
Бақыт жырын толғайды дала бүгін.

Қайырмасы.



Пікірлер (0)

Пікір қалдырыңыз

Бәйтерек

  • 0
  • 1

Қартаяды бәйтерек,
Жан-жүрекке ұқтырып.
Қартаяды бәйтерек,
Еңсе имей тік тұрып.

Толық

Король жары

  • 0
  • 0

Алтын зерлі ер-тоқымды ат сыйлап,
Ат емес-ау күтпеген сәт бақ сыйлап,
Біз келгенде Испания королі,
Баласының жолын ашты тақ сыйлап!

Толық

Менің әкем

  • 0
  • 0

Айтайын әкем жайлы сыр әуелі,
Қоңыр үн, қоңыр ырғақ — үні-әуені.
Жұмыстан оралғасын кешке қарай
Ауылдың шалдарының жырауы еді.

Толық

Қарап көріңіз