Ой, деш – Қазақ ауыз әдебиеті

Қасың қара, ей, қалқа, бетің айдай,
Ойнақтайсың, еркелеп телі тайдай.
Қайда барсам қалмайсың бір есімнен,
Көлеңкеңді көрсетіп қызыл байлай.

Қайырмасы:
Ой, қыздар-ай, дертке қуат,
Сәнге зият,
Ботпай, Шымыр,
Сиқым, Жаныс,
Жанбай, Қапал,
Ойық, Тілік,
Мүйіз-Суан,
Киіз-Суан,
Торы төбел атым бар толықсыған.

Сыры кетсе, сырлы аяқ сыны қалған,
Алтын сапты кездіктің қыны қалған.
Аяғыңды керігіп баса алмайсың,
Сұр жорғадай, сұлуым, болдым арман.

Қайырмасы:
Ой, қыздар-ай, дертке қуат,
Сәнге зият,
Ботпай, Шымыр,
Сиқым, Жаныс,
Жанбай, Қапал,
Ойық, Тілік,
Мүйіз-Суан,
Киіз-Суан,
Торы төбел атым бар толықсыған.