Өлең, жыр, ақындар

Таластың ару еркесі

  • admin
  • 05.01.2024
  • 0
  • 2
  • 1120
Аққудай сызылтып бір ән салдың да,
Қайыңдай тербетілдің қарсы алдымда.
Жалындай ыстық демің бетті шарпып,
Жаутаңдап тұра бердім тамсандым да.
Көзіңнен мен көрмеген ұшқын тарай,
Әнің мен ақ жүзіңе береді арай.
Таластың туған Айдай Тоғжаны ма ең,
Құмарым тарқар емес қарай-қарай.
Тербедің тереңімді, тұнығымды,
Кетірдің еркімді алып, тынымымды.
Айта алмай арманымды кетіп барам,
Сыйласаң, сипат, еркем бұрымынды.
Өзің бір ғажап екенсің,
Лағыңдай ерке киіктің.
Арманым болып өтерсің,
Армандай асыл сүйіктім.
Қия алмай кетіп барамын,
Жүректе қалды наз әнің,
Таластың ару еркесі-ай!



Пікірлер (2)

Адам

Бір жатауга келетін өлең (жоқ)

Нұлан

Жарылқасын Аманұлының Таластың ару еркесі өлеңі жақсы жазылған, жалпы сайтта өлең көп екен, рахмет

Пікір қалдырыңыз

От-жалыны жанымның

  • 0
  • 0

От-жалыны жанымның басылған жоқ,
Шымылдығы сырымның ашылған жоқ.
Сөз маржаны әлі де жұлдыз болып,
Күмбезіне көгімнің шашылған жоқ.

Толық

Жанбота, осы ма еді өлген жерің

  • 0
  • 0

Көкшетау, келбетіңе тамсанамын,
Жабықсам – сен екенсің жан самалым.
Біржандай айтулы әншің болмасам да,
Ашынып мен де кейде ән саламын.

Толық

Алаулап жанып жүрдім мен

  • 0
  • 0

Өтіпті жылдар, ұмыт та болған секілді,
Ең алғаш сені көргенім гүлдей шағыңда.
Қалқалап сонда алқызыл арай бетіңді,
Дірілдеп қана тұрып ең үнсіз жанымда.

Толық

Қарап көріңіз