Әлия Дәулетбаева

Жүрегім тірі екен ғой

Қазақша өлең мәтіні, өлең жолдары және толық нұсқасы.

16.01.2022
0
0
992

Жүрегім тірі екен ғой,
Санағам тоқтағанға,
Елсізде жүр екем ғой,
Сен іздеп таппағанда.
Белгілі сағынарым,
Ессіздеу қылығыңды.
Сен едің долы дауыл,
Сапырған тұнығымды.
Несіне күдіктенгем,
Жүзімнен күлкі қашып,
Өзің бе кіріп келген
Есікті жұлқып ашып.

Құрысын асқақтығым,
Жетпейді енді шамам.
Бәрін де тастап бүгін,
Бағынғым келді саған.
Тұтатып шылымыңды,
Оқышы тентек өлең.
Тәрк етіп ғұмырымды,
Мен сонда өртенер ем.
Серік қып кезбе мұңды,
Тым ерте тұйықталдым.
Шоғына көздеріңнің,
Тағы да күйіп қалдым.

Әлия Дәулетбаева жүрегім тірі екен ғой Әлия Дәулетбаева өлеңдері

Пікірлер (0)

Пікір қалдырыңыз

Жиі қойылатын сұрақтар