Өлеңдер Бөлімі

Мұнар күн

  • kz2015
  • 12.05.2015
  • 1
  • 10
  • 47279
Мұнар да мұнар, мұнар күн,
Бұлттан шыққан шұбар күн,
Буыршын мұзға тайған күн,
Бура атанға шөккен күн,
Бұлықсып жүрген ерлерден
Бұрынғы бақыт тайған күн,
Қатарланған қара нар
Арқанын қиып алған күн,
Алма мойын аруды
Ат көтіне салған күн,
Бұлаңдай ерді кескен күн,
Буулы теңді шешкен күн,
Сандық толы сары алтын
Сапырып судай шашқан күн -
Түс қыла гөр, құдайым,
Біздей тақ мейманасы тасқанға
Біздің ер Исатай өлген күн!
Он сан байтақ бүлген күн!
Орта белін сырлаған
Оқ жаңбырдай жауған күн;
Оң қанатын теріс жайып,
Лашын қуға төнген күн,
Желпілдеген ала ту
Жиырылып ойға түскен күн;
Жез қарғылы құба арлан
Жез қарғыдан айрылып,
Қорашыл төбет болған күн,
Аса шапқан құлаша ат
Зымырандай болған күн,
Арқаулының бойынан
Теріскей дауыл соққан күн;
Сағағы болат қылыштың
Балдағынан сынған күн.
Хас бәйтерек жығылып,
Жығылғаны естіліп,
Алыстағы дұшпанның
Қуанып көңілі тынған күн!


Беріш Махамбет батырдың сұлтанға айтқаны

  • 0
  • 0

Борай да борай қар жауса.
Қалыңға боран борар ма?
Қаптай боран соққанда,
Қаптама киген тоңар ма?

Толық

Әрәйнә

  • 0
  • 2

Әрәйнә, жігіттер, Әрәйнә!
Арғымағың жарай ма?
Астыңа мінген арғымақ
Аяңдай түсіп, марай ма?

Толық

Мен - мен едім, мен едім!

  • 5
  • 72

Мен - мен едім, мен едім!
Мен Нарында жүргенде
Еңіреген ер едім.
Исатайдың барында

Толық

Қарап көріңіз


Пікірлер (10)

Нурик

Керемет олен екен

Гүлназ

бұл өлеңнің сатылай талдауы бар ма екен?

Мәмет Байбоз ұлы

Мен Түркпенстанда тұрдым. Түркпенше 10жыл оқығанмын. Мен түркпен, өзбек, қарақалпақ, орыс және т.б. әдебиеттерді оқыдым. Оларда да осы біздің Махамбет сияқты ержүрек, батыр шайырлары болған. Мен солардың да шығармаларын оқыдым. Сондықтан оларды бір-бірімен салыстыруға мүмкіншілігім бар. Сонда біздің Махамбеттің сөзіндей «ессіз» батырлықты мен олардан көре алмадым. Міне шындық осындай. Сонда қазақ болып туғаныңа қалай мақтанбайсың. Осындай болған Махамбет бабамызға бейіштің төрі ашық болсын деп тілеймін.

Нурасыл

Исатай рухымен сырласу

алтын

Жақсы сайт

Гүлназ

өте керемет рахмет көп көп

Шаттық

Маған керек болғаны осы еді. Өте керемет өлең

Шаттық

Өте керемет. Маған ұнады

ару

Өте керемет

Америка

лайк

Пікір қалдырыңыз

Басқа да жазбалар

×