Өлең, жыр, ақындар

Әскердегі ағама

  • 22.04.2020
  • 0
  • 0
  • 8123
Сау-сәлемет жүрмісің,
Әскердегі ағажан.
Түзеуде ел тұрмысын,
Туыстардың бәрі аман.

Есімде айтқан ақылың,
Жақсы оқушы саналам.
Ойдағыдай оқуым,
Күнде үздік баға алам.

«Әліппені» игеріп,
Хат жазуға жарадым.
Хаттарыңды үйдегі,
Өзім оқи аламын.

Емеспін ғой жас сәби,
Таныстырғын ісіңмен.
Құпия болса әскери,
Айтпай-ақ қой, түсінем.

Алдық жазған хатыңды,
Келді жаңа суретің.
Көрдік нағыз батырды
Өтеп жүрген міндетін.

Жарасып тұр бәрі де,
Қызығып көп қарадым.
Өскен кезде әрине,
Мен де сарбаз боламын.



Пікірлер (0)

Пікір қалдырыңыз

Қыз Жібек

  • 0
  • 1

Жуас атқа жекелеп,
Қызымды алғаш мінгіздім.
Шылбырынан жетелеп,
Әрі-бері жүргіздім.

Толық

Алатау

  • 0
  • 0

Балконнан Біржан самарқау,
Кірді үйге күн бұлт шақта.
-Көрінбейді Алатау,
Оразақын Асқар

Толық

Тау бұлағы

  • 0
  • 0

Қайнарың шың басында,
Қиялдағы мекендей.
Ақ қар жатыр қасында,
Суыңа еріп шекердей.

Толық