Поэзия

Бұл бетте «Поэзия» атты Жүрсін Ерман жазған поэзия туралы өлең берілген. Өлең мәтіні, текст, өлең жолдары және толық нұсқасын осы жерден оқуға болады.

  • 29.04.2020
  • 0
  • 1
  • 6497
Әкем маған жаттатқызды бірде аят,
Қияқтай ай көк желкемде тұрды аяп.
Қойнымдағы қағазымды су-су ғып
Жаңбыр талай жазып берді рубаят.

Ақынмын деп қырға шықтым алшаңдап,
Қуанушы ем құшаққа жел толса алдап.
Шыр-пыр болды қарлығаштар ақ тамақ–
Қонар ем деп басыңа егер – болсам бақ.

Шуылдады сырын айтып көк қамыс,
Қиялым да көкке самғап кетті алыс.
Жүрдім талай қой соңында салпақтап,
Қыр астында жусандарым көп таныс.

Жаттым сайда саққұлақтай тың тыңдап,
Төбемде ұшты көкала үйрек сымпылдап.
Саз-саз болған менің жалаң басыма
Дәл сол күні қонған шығар мүмкін бақ?

Сырласам деп төбемдегі тырнамен
Ғашық болып қалдым ба екен жырға мен.
Содан бері таңдайыма жабысып
Өлең болып келе жатсың, нұрлы әлем!


Пікірлер (1)

Мансұр Қалыбек

Тамаша

Пікір қалдырыңыз

Жиі қойылатын сұрақтар

Поэзия өлеңінің авторы кім?

Жүрсін Ерман — осы өлеңнің авторы.

Поэзия өлеңінің толық мәтінін қайдан оқуға болады?

Бұл бетте өлеңнің толық мәтінін және текст нұсқасын онлайн оқуға болады.

Поэзия өлеңі не туралы?

Бұл шығарма поэзия туралы өлең ретінде танымал. Өлеңде автор өз ойын көркем түрде жеткізеді.

Поэзия өлеңінен үзінді бар ма?

Бұл бетте өлеңнің толық мәтіні, шумақтары және өлең жолдары ұсынылған.

Осы автордың басқа өлеңдері