Өлең, жыр, ақындар

Уақыт жоқ, уақыт жоқ өлуге

  • 04.05.2020
  • 0
  • 0
  • 2662
Уақыт жоқ, уақыт жоқ өлуге,
Айналмайды, айналмайды бал уға.
Жанған оттың хақысы жоқ сөнуге,
Болса да еркі шикі қидың жануға.

Күлімсіреп бата алады күн ғана,
Ертең қайта шығады ғой ол-дағы.
Ал, адамдар өлгенімен бұлдана,
Қайта тумас, бір туғаны болғаны.

Бір-ақ өмір керек бізге «бірегей»,
Бір өмірге сыйғызамыз біз бәрін.
Жүз баланың ішіндегі бір өгей
Сезе алмайды жетімдіктің ызғарын.

Мезгілге айтсаң: өзгереді бұл ұғым
Уақыт тұр дүниені арқалап;
Айлар жылдың жаламасын жұғынын,
Өгейсімей өтсе деймін әр сағат.

Планетамыз енді ғана түзелді,
Керек емес қарулардың жарқылы.
Ғұмырды да ұзартамыз біз енді
Ерте тұрып, кеш жатулар арқылы…



Пікірлер (0)

Пікір қалдырыңыз

Сезім иірлері

  • 0
  • 0

Төрт жасымда қалып едім әкеден,
бірақ жетім атанған жан емеспін:
Өзім тұстас көп баламен тең өстім,
Жетімсің деп кеміткен жоқ мені ешкім.

Толық

Орта

  • 0
  • 0

Менің беті-қолымды
Жапырақтың жас сыбдыры дуалы,
Құстың даусы,
Күн шуағы,

Толық

Жұмақ бағы

  • 0
  • 0

Хақ-тағала қатты еріккен шағында
жүреді екен жасыл жұмақ бағында.
Езуіне "Беломорын" қыстырып,
жын-шайтанын жинайды екен ысқырып.

Толық

Қарап көріңіз