Таба алмай жүрген бейбақ өз биігін

Таба алмай жүрген бейбақ өз биігін,
Бұйығы белге салған көз қиығын,
Өзегі өртенумен өте берген,
Ілгенше иығына бөз киімін,
Құйындай құтырынған уақыт ұйтқып,
Бездірген жеті жұрттың жез киігін,
Таскеуде төбедегі қағып қойып,
Мысқылы ұялаған кермиығын,
Жиыны аузын буып, көзін жұмып,
Ұйымның өткізетін без бұйрығын,
Тиымын тиынымен бірге үйіріп
Тартқызған өзектіге сөз күйігін.