Баянғали Әлімжанов

Қарағанды

Бұл бетте «Қарағанды» атты Баянғали Әлімжанов жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

05.05.2020
0
0
3001

Ен даланың кең өлкесі кенге бай,
Жерге де бай, көлге де бай, жөнге бай,
Сен бар болсаң, әнім де бар, сәнім бар,
Сен бай болсаң, елім де бай, мен де бай!

Қайырмасы:

Қарағанды, Қарағанды, Қараған,
Көмірінен өмір оты тараған,
Көңілінен небір әнді тудырып,
Жүректерді жылытуға жараған,

Қалың арғын барлығына қуанып,
Қаймағым деп бағалаған бар адам,
Қазағымның қазынасы киелі,
Қарағанды, Қарағанды, Қараған !

Қазақылық, кісіліктің төрісің,
Кеңпейілсің, көз жетпейтін өрісің,
Сары аязды сабырменен көтерген,
Сарыарқаның қайыспайтын белісің!

Қайырмасы:

Қара нардай, қарағайдай ұлдарың,
Қарқаралы, ән самалы қыздарың,
Сенің арқаң айдарынан жел есіп,
Қазағымның қара орман боп тұрғаны!

Қайырмасы:

Баянғали Әлімжанов қарағанды Баянғали Әлімжанов өлеңдері

Пікірлер (0)

Пікір қалдырыңыз

Жиі қойылатын сұрақтар