Өлеңдер Бөлімі

Қызыл бояу

  • admin
  • 17.05.2020
  • 0
  • 1
  • 94
Табиғат бір суретші епті шебер,
Жер-топырақ бетіне нұрын төгер,
Күннің қызыл бояуы қандай жақсы,
Күн бір ерке сұлу сал бақыт берер.

Түн ұйқыдан тұр оян біздің адам!
Шығыс-шапақ тұтулы алтын ғалам.
Күн жүрегі қып-қызыл сыя сауыт,
Жер дөңгелек үстелдей қызыл алаң.

Кел уақыт, кел мұнда, батыр, батыл!
Аспан күмбез –тігулі алтын шатыр.
Күмбірлетіп бар осы дүниені
Күн арбасын жетектеп бара жатыр.

Бұлт боялып,тау өтер, жер қызарып,
Жер бетіне қойылған біз бір әріп;
Қайда сәуле,қызыл ту-қызыл бояу?
Қызыл адам келеді бақыт алып.

Мен өтемін экватор жолың қысқа,
Мен келемін ертеменглобусқа;
Қызыл бояу өтеді кірпігімнен,
Қызыл сәуле төгейін қай қуысқа?!

Күн бір ерке, күн сұлу, күн бір батыр,
Күн үстінде тігулі алтын шатыр.
Күмбірлетіп бар осы дүниені
Күн арбасын жетектеп бара жатыр...


Уақыт

  • 0
  • 0

Уақыт жақсы жолаушы тау айналып,
Күн қызуын күтеді жер табаны.
Таулар ауыр ұйқыдан ерте оянып,
Аспан-теңіз бетіне нұр толады.

Толық

Шығыс романтикасы

  • 0
  • 0

Есіме түседі жаңа оянған бір бүркіт,
Қаңтарда сұп-суық тас үстінде отырып.
Ақын болсам егер, айтар едім:
Ежелгі жыр-эпостардан мысал келтіріп.

Толық

Қара өлеңім

  • 0
  • 0

Ежелгі аңқау, момын қара өлеңім,
Томсарып тамыршыдай табар емін.
Ыстығым аса қалса жалбызға орап,
Тигізген тынысыма жылы демін.

Толық

Қарап көріңіз


Пікірлер (1)

Асел

Жаксы

Пікір қалдырыңыз

×