Малды ауылдың бір кеші

Бұл бетте «Малды ауылдың бір кеші» атты Бауыржан Үсенов жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

  • 05.07.2020
  • 0
  • 0
  • 1278
Қой маңырап, иттер үріп,
Қарауытып тау іргесі,
Тәтті түтін сүттей ұйып,
Тағы орнады ауыл кеші.
Шұрқырайды жылқы малы
Бара жатқан жоннан асып.
Құрбақалар жыртылады,
Мағынасыз хорға басып.
Қара шал жүр ет мүшелеп,
Қонақ сыйын бүтіндеген.
От басына жетті шелек,
Сүтке толып шүпілдеген.
Тал-терекке түн асылды,
Бұлт боп басты маса шамды.
Уыс-уыс мың асылды
Жомарт аспан шаша салды.
Таныс бәрі, мал иісі
Талдысайға келіп қонған.
Самаладай қара үй іші
Кіл қазақи көрік толған.
Қара мақпал тартқан алап,
Күйіңе кеп, өзгер енді.
Шежіре айтар қартқа қарап,
Жантаятын кез де келді.


Пікірлер (0)

Пікір қалдырыңыз

Жиі қойылатын сұрақтар

Малды ауылдың бір кеші өлеңінің авторы кім?

Бауыржан Үсенов — осы өлеңнің авторы.

Малды ауылдың бір кеші өлеңінің толық мәтінін қайдан оқуға болады?

Бұл бетте өлеңнің толық мәтінін және текст нұсқасын онлайн оқуға болады.

Малды ауылдың бір кеші өлеңі не туралы?

Бұл өлеңде Бауыржан Үсенов өз ойы мен сезімін көркем түрде жеткізеді.

Малды ауылдың бір кеші өлеңінен үзінді бар ма?

Бұл бетте өлеңнің толық мәтіні, шумақтары және өлең жолдары ұсынылған.

Осы автордың басқа өлеңдері