Өлең, жыр, ақындар

Әженің жайлы арқасы

  • 09.07.2020
  • 0
  • 0
  • 3614
Әженің жайлы арқасы
Секілді мамық құстөсек,
Жабысып, Қолдар айқасып,
Ертеден кешке түспес ек.
Шешеге бір сәт ұнамай,
Түнере қалса бұлт келіп,
Әженің бауыры —
ұядай,
Кетуші ек соған зып беріп.
Сәні еді
Ауыл-үйдің де.
Жүруші ек оны пір тұтып,
Жеткізген бізді бұл күнге
Жабағы жұлып,
Жүн түтіп.
Текемет басып,
Тері илеп,
Көрпеше құрап қиықтан,
Әжелер —
бізді жер үйде
Саусағымен-ақ жылытқан.
Тағдыр да
Берген пейілді,
Қолына қонған береке.
Ол жүрген жерде —
Көңілді,
Ол жүрген жерде —
мереке.
Әжесіз күй жоқ, асылы,
Әжесіз үйдің —
аз әні.
Аруана тектес асылым,
Ақ әжем
Елдің ажары.
Ақ әжем —
Асқар тауымдай.
Шуданы тастап шумақтап,
Жататын оның жанында
Бозала бұлттар будақтап.
Болмайтын қаяу,
Кіршік те,
Жатушы ем мен де жайланып,
Үйірген әжем ұршықпен
Дүние қоса айналып...



Пікірлер (0)

Пікір қалдырыңыз

Жар-жар

  • 0
  • 1

Жар-жар - Сағи Жиенбаев
Қыздар:
Әлпештеген ортаңда
Бір бала едім, жар-жар,

Толық

Соғыс ардагерлері

  • 0
  • 0

Соғыс ардагерлері - Сағи Жиенбаев
Жүр олар әр қалада, әр ауылда,
Қақталған қанды майдан алауында.
Лаулаған жалын от бар жанарында,

Толық

Ақ жаңбыр

  • 0
  • 0

Көктемде бір тоғайлар шуылдайтын,
Көктемде бір дуылдайтын,
Бетке жұққан даланың ақ тозаңы,
Ақ жаңбырлар жумаса, жуылмайтын.

Толық

Қарап көріңіз