Серік Қалиев

Жеке шумақтар

Бұл бетте «Жеке шумақтар» атты Серік Қалиев жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

17.07.2020
0
0
3529

Көңілі тәкәппардың - шырқау биік.
Сенімі бірақ оның - мылқау күйік.
Алдына Жаратқанның ақіретте,
Бармақшы сауап емес, сылтау жиып.

***
Құдіретті Құдайым!
Қайырлы жар нәсіп ет.
Қайырсыз болса, қашық ет.
Алғанша емес әйелге,
Алғаннан соң ғашық ет!..

***
Малында буаз да көп, қысырақ көп.
Қалмаса екен жұтқа ұшырап тек...
«Тақуа» боп кеткені соншалықты,
Ойлайды садақаны «ысырап!» деп.

***
Атасың шырт түкіріп насыбайды,
Құл болып никатинге басыбайлы.
Алғанда айықпас дерт алқымыңнан,
Кім сенің үй ішіңді асырайды?

Серік Қалиев шумақ жеке шумақтар Серік Қалиев өлеңдері

Пікірлер (0)

Пікір қалдырыңыз

Жиі қойылатын сұрақтар