Асылзат Арыстанбек

Жолымда кездескеннің барлығына

Бұл бетте «Жолымда кездескеннің барлығына» атты Асылзат Арыстанбек жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

27.07.2020
0
0
1905

Жолымда кездескеннің барлығына,
Сәлем берем, қарамай паңдығына.
"Кісі" демей және де кіші демей,
Құлақ салам құлдықпен жарлығына.

Жолымда кездескеннің барлығынан,
Бір нәрсе үйренемін,
Сан құбылам.
"Кісі" демей және де кіші демей,
Қазынасын іздеймін сандығынан.

Жолымда кездескеннің барлығын да,
Дос етем, дүн-дүния аз ғұмырда.
"Кісінің" де кешірем қателігін
Кішінің де кешірем қателігін,
Қақым да жоқ оларды жазғыруға!

Жолымда кездескеннің баршасына,
Сүйіп тұрып, қағамын арқасынан.
Кісінің де табылып дәл қасынан,
Кішінің де табылып ортасынан,
Ара сынды жүрейін бал тасыған!

Асылзат Арыстанбек жолымда кездескеннің барлығына Асылзат Арыстанбек өлеңдері

Пікірлер (0)

Пікір қалдырыңыз

Жиі қойылатын сұрақтар