Өлең, жыр, ақындар

Құдай ана

ҚҰДАЙ АНА

Сегіз ай болды, сегіз күн,
Ғұмырын кешіп егіздің,
Жүрген ем сегіз ай бұрын,
Сол күні үнсіз дем үздің.

Әзіл ме сол сәт, қайғы ма?
Ұғымсыз болып жай мына.
Мен сонда "Анашым" емес,
Досым деп қалдым қайғыра..

Жыладым, ессіз құладым,
Бір жанып-өшіп шырағым.
Бір жанып-өшті шырағым,
Шырақтан соны сұрадым.

Көлеңкең кетті көрінбей,
Жан алғыш кепті ерінбей...
Анажан жатқан тар бөлме,
Көрінді маған көрімдей.

Көңілін айтты бір ағай,
Жоқтауын айтты бір ана-ай.
Анасы жоқтар зар жылап,
Анасы барлар жыламай...

Күн өтті міне, ай болды,
Қайғым да бүгін жай болды.
Сол күні туған құлыншақ,
Сегіз ай өтіп, тай болды.

Құлайын, мың жыл жылайын,
Асырап алмас Ұмайым.
Анамды көрдім құдайдай,
Сол анам менің - Құдайым!



Пікірлер (0)

Пікір қалдырыңыз

Саған жаным ашиды...

  • 0
  • 2

Саған жаным ашиды, ашиды да,
Сенен аулақ ұстаймын досымды да.
Сенен алыстатамын бар кесірді,
Саған тәуелді етемін ғасырды да.

Толық

Махаббат

  • 0
  • 0

Ертең-ақ жырға толы бұл күн елес,
Жауыннан қорғаман бұлтым мені еш.
Тоятсыз, махаббатсыз адам үшін,
Секссіз ғашық болу мүмкін емес!

Толық

Дұға

  • 0
  • 0

Әкемді алсаң, ал Құдай, шешемді алма,
Шекпен тоқып берсе де өлмеймін ғой..
(Халық айтқан екен)
Бергі беттен анамыз кеткен түні,

Толық

Қарап көріңіз

Басқа да жазбалар