Өлең, жыр, ақындар

Ай-Зер

Ай-Зер

Терезе алдында тұр едім,
Сыр іздеп аспаннан.
Мен түннің көргім кеп жүрегін
Түнекке аттанғам.

Кешіргім келмейді ерінді
Жетім деп атаған.
Шертілмей жүрген көп шерімді
Мен емес жасаған.

Мен жалғыз емеспін, аяулым,
Менің де бар таңым.
Төрінде жүріп-ақ ояумын
Таскөңіл ортаның.

Ай жалғыз деп еді бір бойдақ,
Айнаға қарамай.
Сұлуын кешелі жүрді ойға ап
Сүйкімсіз кəрі ағай.

Көзінен жас көрдім соқырдың,
Төгілген санама.
Қаламды жылатып отырмын,
Хат жазып анама.

Куə оған дəптердің парағы,
Куə оған Ай керім.
Жүрегім дүрсілдеп барады,
Көнемін, қайтемін?

Секундтар селк ете қалғанда,
Өлеңге айналам.
Мен жалғыз емеспін жалғанда,
Қарап тұр Ай маған...


Пікірлер (0)

Пікір қалдырыңыз

Бүгін жаңбыр жауса екен...

  • 1
  • 0

Бүгiн жаңбыр жауса екен деп тiледiм,
Жуып өтсiн жүзiмдi кешкiре күн.
Кеткенiңе сене алмай сенiң, ана,
Жыламаған көзiмдi кешшi менiң.

Толық

Алматыға күз келіпті...

  • 1
  • 0

Алматыға күз келіпті,
Жүрекке ме жоқ әлде?
Жапыраққа сыз қоныпты,
Көндігесің, амал не?

Толық

***

  • 1
  • 0

Сен неге мені ұмыта алмадың?
Ұмытуға әлде кеш пе еді?
Жаныңды білем, жылыта алмадым,
Айыптамашы тек мені.

Толық