Қази Данабев

Қай жақта жатыр соқпақты жолдар

Қазақша өлең мәтіні, өлең жолдары және толық нұсқасы.

12.08.2020
0
0
903

Қай жақта жатыр соқпақты жолдар
Аспанда ойнар жасындар бар ма?
Жеңемін бәрін қайратым мол да,
Тек өзің, жаным, қасымнан қалма.
Мұқиттар бар ма тасқыны асқақ,
Өтемін кесіп,
Самғасам болды
Жапанға жалғыз өзімді тастап,
Шегініп кейін қалмасаң болды.
Ормандар бар ма, омыраулап жапқан
Қиялдап жолды бөгемек болып
Сен болсаң, болды
Жұлдыздай аққан
Өтемін отты самолет болып.
Сахара бар ма тандыры кепкен,
Қорқыныш па ол да қанатқа ерен.
Шөлдетпей сені көтеріп көкпен,
Қолтықтап ұшып заматта келем.
Шықпайды алдан шыңдар да жасқап,
Шарықтап шықан биік пе менен.
Бір осал жерім
Сен кетсең тастап,
Тек сонда ғана күйіктен өлем.

Қази Данабев махаббат қай жақта жатыр соқпақты жолдар Қази Данабев өлеңдері

Пікірлер (0)

Пікір қалдырыңыз

Жиі қойылатын сұрақтар