Өлең, жыр, ақындар

Қай жақта жатыр соқпақты жолдар

  • 12.08.2020
  • 0
  • 0
  • 775
Қай жақта жатыр соқпақты жолдар
Аспанда ойнар жасындар бар ма?
Жеңемін бәрін қайратым мол да,
Тек өзің, жаным, қасымнан қалма.
Мұқиттар бар ма тасқыны асқақ,
Өтемін кесіп,
Самғасам болды
Жапанға жалғыз өзімді тастап,
Шегініп кейін қалмасаң болды.
Ормандар бар ма, омыраулап жапқан
Қиялдап жолды бөгемек болып
Сен болсаң, болды
Жұлдыздай аққан
Өтемін отты самолет болып.
Сахара бар ма тандыры кепкен,
Қорқыныш па ол да қанатқа ерен.
Шөлдетпей сені көтеріп көкпен,
Қолтықтап ұшып заматта келем.
Шықпайды алдан шыңдар да жасқап,
Шарықтап шықан биік пе менен.
Бір осал жерім
Сен кетсең тастап,
Тек сонда ғана күйіктен өлем.



Пікірлер (0)

Пікір қалдырыңыз

Тағдыр

  • 0
  • 0

О, тағдыр, сені ұғыну қиын маған,
Жастықта етек-жеңі жиылмаған.
Біреудің бақытысың – бұйырмаған,
Біреудің көз жасысың тиылмаған.

Толық

Балдақты қыз

  • 0
  • 0

Шарап емес,
Бақытқа мас жанымыз,
Бақытқа мас сұлу қыздар қаншалық.
Сол бір кеште -

Толық

Күй құдіреті

  • 0
  • 0

Таптырмастан жүр еді көңіл емі,
Не тіледі, өмірден не біледі.
Жанған отқа жаңбырдай нөсерлетіп,
Сондай сәтте көктен төгіледі.

Толық

Қарап көріңіз