Өлең, жыр, ақындар

Жұлдызым жоғары

  • 12.08.2020
  • 0
  • 0
  • 917
Жүрекке құрық тастадым,
Жүйткігеніңмен жетем деп.
Асауға міне қашпадым,
Жастығым бекер өтер деп.
Көздердің талай тұнығын,
Шайқамай, шашпай сүйдім мен.
Уақыт салса құрығын,
Қоштасамын ғой бұл күнмен.
Күреске түстім көңілде,
Өмірде күрес бір ойым.
Өзімнен күшті өмірде,
Жандардың барын білейін.
Жүрдім де бұралаң жолдармен,
Шегіндім кейде бір адым.
Жүрегім аппақ болғанмен,
Оқпанға талай құладым.
Іңкәр ем бастан өлеңге,
Ізінде жүріп арманның.
Ақыным, ақыным дегенге,
Аңқылдап талай алдандым.
Аман сау қалдым ажалдан,
Пірім бар менің себебі.
Қамқорлығына өзі алған.
Қолтықтап музам келеді.



Пікірлер (0)

Пікір қалдырыңыз

Көшеден сені іздедім

  • 0
  • 0

Көшеден сені іздедім,
Көк жапырақты орманнан.
Алматы жақтан іздедім,
Қапшағай қашқан жолдардан.

Толық

Ей, аппақ боран, ақ боран

  • 0
  • 0

Ей, аппақ боран, ақ боран,
Бопытып қарды ат маған,
Менде де сендей боран бар,
Кеудемде тыныш жатпаған.

Толық

Ақындар

  • 0
  • 0

Ақынбыз біздер –
Өмірдің ерке қонағы,
Көшеміз ертең
Көгілдір аспан оңады,

Толық

Қарап көріңіз