Өлең, жыр, ақындар

Жұлдызым жоғары

  • 12.08.2020
  • 0
  • 0
  • 1013
Жүрекке құрық тастадым,
Жүйткігеніңмен жетем деп.
Асауға міне қашпадым,
Жастығым бекер өтер деп.
Көздердің талай тұнығын,
Шайқамай, шашпай сүйдім мен.
Уақыт салса құрығын,
Қоштасамын ғой бұл күнмен.
Күреске түстім көңілде,
Өмірде күрес бір ойым.
Өзімнен күшті өмірде,
Жандардың барын білейін.
Жүрдім де бұралаң жолдармен,
Шегіндім кейде бір адым.
Жүрегім аппақ болғанмен,
Оқпанға талай құладым.
Іңкәр ем бастан өлеңге,
Ізінде жүріп арманның.
Ақыным, ақыным дегенге,
Аңқылдап талай алдандым.
Аман сау қалдым ажалдан,
Пірім бар менің себебі.
Қамқорлығына өзі алған.
Қолтықтап музам келеді.



Пікірлер (0)

Пікір қалдырыңыз

Тағдыр

  • 0
  • 0

О, тағдыр, сені ұғыну қиын маған,
Жастықта етек-жеңі жиылмаған.
Біреудің бақытысың – бұйырмаған,
Біреудің көз жасысың тиылмаған.

Толық

Күләнға

  • 0
  • 0

Жылама, жаным,
Сары күз түскен белдерге,
Сарғайып жатыр жапырақ біткен
Көлдерде құстарда жоқ қой,

Толық

Күй құдіреті

  • 0
  • 0

Таптырмастан жүр еді көңіл емі,
Не тіледі, өмірден не біледі.
Жанған отқа жаңбырдай нөсерлетіп,
Сондай сәтте көктен төгіледі.

Толық

Қарап көріңіз