Кеңшілік Мырзабеков

Төбеде жүзген бұлттарға

Бұл бетте «Төбеде жүзген бұлттарға» атты Кеңшілік Мырзабеков жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

28.08.2020
0
0
1109

Төбеде жүзген бұлттарға
Төменнен қарап сұқтанба!
Жел тұрса зеңген жан-жаққа
Салмағы бұлттың салмақ па?..
Жетелеп жүрген жол бәлкім,
Тағдырың шығар жел бәлкім.
Суымнан ұшқан бу едің,
Шығарсаңдаршы жер даңқын.
Бармаған жерің жоқ шығар,
Баспаған тауың жоқ шығар.
Бір күні жерге құлайсың,
Талмай-ақ жүзген топшылар.
Жауасың жерге бір күні,
Қақ болып сосын іркіліп,
Сіңесің құмға су болып,
Шығасың гүл боп құлпырып.
Бұлттар-ай деймін ер көңіл,
Жылайсың бір күн боркемік.
Бұйрық заң сүйреп бәріміз
Құлаймыз қара жерге бұл.
Табиғат тең қып жаратқан
Төбеде жүзген сен де бір,
Төменде жүрген мен де бір.

Кеңшілік Мырзабеков бұлт төбеде жүзген бұлттарға Кеңшілік Мырзабеков өлеңдері

Пікірлер (0)

Пікір қалдырыңыз

Жиі қойылатын сұрақтар