Кеңшілік Мырзабеков

Әжеміздің айтқаны

Бұл бетте «Әжеміздің айтқаны» атты Кеңшілік Мырзабеков жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

29.08.2020
0
0
2613

Бәріміздің әжеміз бәрімізге бүй деген:
– Күннің нұрын, құлыным, пейіліңе құй, – деген.
Бәріміздің әжеміз бәрімізге бүй деген:
– Жақсылардың ақылын зейініңе құй, – деген.
Бәріміздің әжеміз бәрімізге бүй деген:
– Ілім қуу, қарағым, құдық қазу инемен.
Бәріміздің әжеміз бәрімізге бүй деген:
– Адамшылық, қарағым, адамзатқа сый, – деген.
Бәріміздің әжеміз айтқан бізге ортақ гәп –
Біреумізге кешірек, біреумізге ерте аздап.
Елдің қамын ойлаған,
Жердің қамын ойлаған
Әжемізді сыйласақ,
Қалай ғана ел азбақ,
Қалай ғана жер тозбақ?!

Кеңшілік Мырзабеков әже әжеміздің айтқаны Кеңшілік Мырзабеков өлеңдері

Пікірлер (0)

Пікір қалдырыңыз

Жиі қойылатын сұрақтар