Өлең, жыр, ақындар

Көлдерім, көк жайлауларым

  • 29.08.2020
  • 0
  • 0
  • 1063
Көлдерім, көк жайлауларым,
Сағынып сендерді ойладым.
Ырғайлы белдерді ойладым,
Ырғалған көлдерді ойладым.
Ыңыршағы айналып жатқан
Ыраңды жерлерді ойладым.
Құйысқанын көтеріп соққан
Ылаңды желдерді ойладым.
Шық сіңген қара оттарыңнан
Қара мал күйіс қайырған,
Мүк сіңген қабақтарыңнан
Мүңкіп бір иіс жайылған
Құйқалы қырларды ойладым.
Қоғажай нуларға қонған,
Мамажай мамыр құстарым,
Сәскелік шулардан аман
Сәтінде қолымда ұстадым,
Момын құс сендерді ойладым.
Кірпігім айқасып кетті
Көбірек ойланып тұрып,
Сағыныш шаршатқаның ба?..
Анау жыл қой бағып жүріп,
Осылай тұратын едім
Астана аңсатқанында...


Пікірлер (0)

Пікір қалдырыңыз

Жақындасу

  • 0
  • 0

Кең заманда қоғамда кемелденген
Жақындасу жақсылық ел-елдермен.
Дәстүрлерді дәстүрлер дамытады,
Өнер өріс алады өнерлерден.

Толық

Адалдық пен арбау

  • 0
  • 0

– Махаббат суый ма екен?
– Суыйды екен,
Зардабы да зарығып сүюге тең.
Қайғысы да жүйкеңді жеген құрттай,

Толық

Баяғы баққа

  • 0
  • 0

Баяғы баққа барайық бүгін,
Баяғыны еске алайық, күнім.
Жеңілдер ме екен, жеңілдер ме екен
Көп айып, мінім, көп айып, мінім...

Толық