Қарашау киелі мекен

Қарашы, о-уу, дей ме өткенге,
Бұрылшы, дей ме кеткенге,
Қарашау – мекен киелі,
Дұға оқи барғам көктемде.
Көктемде, өр су тасыпты,
Жылғалар жолды басыпты-ау.
Төтелеп жетсек жақын жер,
Айналма жолы қашықтау!
Қашықтық сенен айналдым,
Зерделеп сырттай ой шолдым.
Қарашау төбе басында
Қорымы жатыр Файзолдың!
Алты қыз – өрген өрісің,
Қарашау – бүгін қонысың.
Жалғыз ұлды алып қасыңа
Жатсың ба, ата, көрісіп?
Бәйбішең, балаң, немерең
Төртеудің келген төрісің.
Дұғаны қабыл етсе Алла,
Жатқайсың бәрің бөлісіп.