Шөмішбай Сариев

Құстардың үнінде

Бұл бетте «Құстардың үнінде» атты Шөмішбай Сариев жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

13.04.2022
0
0
596

Құстардың үнінде,
Ғашықтар тілінде,
Жер жаһан гүлінде –
Лирика.
Даланың желінде,
Аспанның көгінде,
Осынау өмірде –
Лирика.
Арудың назында,
Өмірдің жазында,
Ғасырлар сазында –
Лирика.
Төрт мезгіл маусымда,
Ақиық тау шыңда,
Жаңғырған даусында –
Лирика.
Бұлт болып жүзгенім,
Үмітті үзбедім,
Мен сені іздедім –
Лирика.
Қуаныш, мұңыммен,
Іздедім Күнімнен,
Жұлдызды түнімнен –
Лирика.
Айналған сағымға,
Тамырым, қанымда,
Жүрегім, жанымда –
Лирика.

Шөмішбай Сариев құстардың үнінде Шөмішбай Сариев өлеңдері

Пікірлер (0)

Пікір қалдырыңыз

Жиі қойылатын сұрақтар