Өлең, жыр, ақындар

Қабіріңді, ана, қар басып қалды

  • 21.07.2021
  • 0
  • 0
  • 973
Қабіріңді, ана, қар басып қалды,
Қар басып қалды – əппақ қар.
Өлім мен Өмір арбасып мəңгі,
Алдыңнан шығар соқпақтар...
Мамығыменен, мақпалыменен
Жапқаныменен қалың қар,
Балауса гүлдей бақта бүрлеген
Көкте ұшып жүрген жаның бар.
Ұшып жүр жаның...
Қауырсының ба
Қалқыған мынау ұлпа қар?
Тағдыры жазса,
Тəңір шыңы да
Қамқа емес, ұлпа қымтанар...
Ұшып жүр жаның періштелермен
Алты қат аспан жақта анау.
Кещелер кейбір келіспегенмен,
Кеңістікте бір гəп бар-ау...
Бұлбұлдың естіп жұмақтағы əнін,
Елесің түске енгенде –
Жападан-жалғыз жылап қаламын,
Жамылып түнді шерменде.
...Өлім мен Өмір арбасып мəңгі
Сені алып кетті қиырға.
Қабіріңді, ана, қар басып қалды,
Қар басып қалды биыл да...



Пікірлер (0)

Пікір қалдырыңыз

Мұхтар Құл-Мұхаммедке

  • 0
  • 0

Əу бастан тілегі адал, арманы ұлық
Тектіден тегін болмас қалған ұрық.
Қылаусыз қызғылт рауан шырайыңнан
Тұрады адалдығың аңғарылып.

Толық

Самарқанның көк тасы

  • 0
  • 0

Ішпей-жемей ақынның мас көңілі,
Желіктірді жеңсік ас жас-кəріні.
Тілек бүгін тамады тіл ұшынан,
Жүрек түгіл, көрдің бе, тас та еріді!

Толық

Соншалық көргiм келдi сенi, жаным

  • 0
  • 0

Соншалық көргiм келдi сенi, жаным,
Тағатсыз тартып көзiң, лебiң, əнiң...
Ауасыз кеңiстiкте аласұрған
Дауасыз бұл жүрекке неғыламын?

Толық