Өлең, жыр, ақындар

Бір білгенім

  • 31.08.2020
  • 0
  • 0
  • 1437
Білмеуші ем, өмір сондай күрделі екен,
Күрмеуіне кездеспей жүрген екем.
Арман деген алыста – әріде екен,
Жалған деген жаныңда – іргеде екен.
Арман менен жалғанның арасында
Туады екен тартыс та, таласың да.
Балалықтың аулынан асқан соң-ақ
Сұрыпталар жауың да, жанашыр да.
Жауың көп пе, жанашыр досың көп пе?!
(Досым көп деп кетпесін есің текке).
Дос ұстағың келсе егер, заңдылық сол –
Болмысыңмен берілме есіл-дертке!
Болмысыңды бірақ та бүркелеме,
Болмысыңда жоғыңды білтелеме.
Күрделі деп өмірден күдер үзбе,
Батыр болып кетесің үрке келе...
«Күрт-күрт үзбей ши
есін, күрмеулерін,
Күшім аз деп кіжінбе кімнен менің?!»
Күшімізді табиғат тең жаратқан
Іс-әрекет әр түрлі – бір білгенім...
Бір білгенім – бәріміз аман жүріп
Заман жасап, өтеміз қоғам құрып.
Бір білгенім – күрделі, күрмеулі өмір,
Күрделі өмір жүр бізді Адам қылып.



Пікірлер (0)

Пікір қалдырыңыз

Абай ескерткішіне

  • 0
  • 0

Ой мұңын емген, қайғыны жеңген қайырымсыз,
Кейпіңіз адам, адамға бірақ айбынсыз.
Ақындық деген адамдар үшін жаралған,
Жаралғаннан соң ақиқат үшін айнусыз.

Толық

Заман бізге

  • 0
  • 0

Заман бізге,
Біз заманға
Берешек те,
Алашақ.

Толық

Жеңіс жыры

  • 0
  • 0

Қозатын «қоға» десе намысымыз,
Өртеңнің орнындағы қамысымыз.
Жел тұрсын, самал соқсын, бұл маңайда
Бірінші шыққан біздің дауысымыз.

Толық

Қарап көріңіз