Өлең, жыр, ақындар

Жақындасу

  • 31.08.2020
  • 0
  • 0
  • 947
Кең заманда қоғамда кемелденген
Жақындасу жақсылық ел-елдермен.
Дәстүрлерді дәстүрлер дамытады,
Өнер өріс алады өнерлерден.
Салт-саналар бір-бірін жаңғыртады,
Жас қалалар көркейтіп жон-қырқаны.
Өмір сүру заңы ортақ жер бетінде,
Ғарышқа да ортақ қой жолдың қамы.
Ауамыздың жұтатын құрамы бір,
Суымыздың құны бір, сұрауы бір.
Жақындасу сондықтан керек бізге,
Жақындасу – уақыттың сынағы бұл.
Жақындаса аламыз қайтіп, қалай?!
Жақындасу тайсалмай, тайқақтамай,
Жақындасу жан беріп, жан аяспай,
Сертті бұзып, уәдені қайта аттамай
Жақындасу заманға зіл келтірмей,
Жақындасу қоғамға кір келтірмей,
Туған ана – Отанды кірбің етпей,
Туған ана тіліңе тіл келтірмей,
Жақындассаң жақындас тап осылай,
(Ылдым-жылдым жақындық жарасы жәй).
Жақындасқан талайлар жазым болған,
Қасиетіне халқының жаны ашымай.
Кең заманда қоғамда кемелденген,
Жақындасу жақсылық ел-елдермен.
Төрткіл дүние туысып кетсе егерде,
Көкке менің тиер-ау төбем жерден.



Пікірлер (0)

Пікір қалдырыңыз

Торғай әуендері

  • 0
  • 0

О, туған жер, келдім саған, сағынған соң – келгенім.
Тамып саған кіндік қаным, сенде қалған жөргегім.
Сені аңсайтын себебім де, салдарым да – сол менің.
Ал, әйтпесе, аспан асты, кең мекенім – Жер менің.

Толық

Бақ

  • 0
  • 0

Қабағың кіреукелеу солғын, аға,
Жүзіңнен мұң көргендей болдым, аға.
Кермеңнен кетіп қалса бабы болмай,
Бақ деген кейи көрме Керқұлаңа.

Толық

Жарқыным-ау, махаббат өрт екен ғой

  • 0
  • 0

Жарқыным-ау, махаббат өрт екен ғой,
Мерт етердей адамды дерт екен ғой.
Он жетіде үйлену ерте екен ғой,
Жарқыным-ау, махаббат жалқы екен ғой.

Толық

Қарап көріңіз