Өлең, жыр, ақындар

Баяғы баққа

  • 01.09.2020
  • 0
  • 0
  • 1221
Баяғы баққа барайық бүгін,
Баяғыны еске алайық, күнім.
Жеңілдер ме екен, жеңілдер ме екен
Көп айып, мінім, көп айып, мінім...
Баяғы терек, баяғы бұтақ
Тұр ма екен, қалқам, бояуы жұтап?
Тағдырдың желі кеткен жоқ па екен
Байламын үзіп, баянын отап?
Баяғы шықтар, баяғы мүктер –
Байлаған бізді аяулы жіптер.
Қимастықпенен бір-бірімізге
Аялау менен аяуды жүктер.
Баяғы түбір болғанда шынар,
Баяғы гүлдер солған да шығар.
Өткеннің бәрін, кеткеннің бәрін
Табиғат дейтін жалған жасырар.
Сен менен бірақ жасырма түкті,
Сені ойлай-ойлай басым қатыпты.
Сенімен өткен бір минутымды
Айырбастаман ғасырға тіпті.
Баяғы баққа келсеңші бүгін,
Баяғы мені көрсеңші бүгін.
Өсіпті баққа еккен шыбығым –
Махаббатыма кеткен шығыным,
Келсеңші, соны көрсеңші, күнім!



Пікірлер (0)

Пікір қалдырыңыз

Қарағым, кешір, кешірші, қалқам, ағаңды

  • 0
  • 0

Қарағым, кешір, кешірші, қалқам, ағаңды,
Уақыт құрғыр есейтеді екен адамды.
Әйтпесе сені танымай қалам деп пе едім,
Шолпан жұлдызды танымағандай таң алды.

Толық

Көдесі семіп, көлдері солып күзде бір

  • 0
  • 0

Көдесі семіп, көлдері солып күзде бір,
Тұнжырап тұрар шақ болады ғой түзде өмір.
Қоныстан безіп, өрісті өзгертіп, жай іздеп,
Құс болып кетсек, қайтер еді егер біз де бір?!

Толық

Өмір, сенің айқұш-ұйқыш өлшемің

  • 0
  • 0

Өмір, сенің айқұш-ұйқыш өлшемің,
Өлшеміңе риза емеспін мен сенің.
Өмір, сенің шимай-шимай есебің,
Есебіңнен қайтты талай меселім.

Толық