Өлең, жыр, ақындар

Баяғы баққа

  • 01.09.2020
  • 0
  • 0
  • 953
Баяғы баққа барайық бүгін,
Баяғыны еске алайық, күнім.
Жеңілдер ме екен, жеңілдер ме екен
Көп айып, мінім, көп айып, мінім...
Баяғы терек, баяғы бұтақ
Тұр ма екен, қалқам, бояуы жұтап?
Тағдырдың желі кеткен жоқ па екен
Байламын үзіп, баянын отап?
Баяғы шықтар, баяғы мүктер –
Байлаған бізді аяулы жіптер.
Қимастықпенен бір-бірімізге
Аялау менен аяуды жүктер.
Баяғы түбір болғанда шынар,
Баяғы гүлдер солған да шығар.
Өткеннің бәрін, кеткеннің бәрін
Табиғат дейтін жалған жасырар.
Сен менен бірақ жасырма түкті,
Сені ойлай-ойлай басым қатыпты.
Сенімен өткен бір минутымды
Айырбастаман ғасырға тіпті.
Баяғы баққа келсеңші бүгін,
Баяғы мені көрсеңші бүгін.
Өсіпті баққа еккен шыбығым –
Махаббатыма кеткен шығыным,
Келсеңші, соны көрсеңші, күнім!



Пікірлер (0)

Пікір қалдырыңыз

Бұлттар жел қуған жөңкіліп кетті алыс

  • 0
  • 0

Бұлттар жел қуған жөңкіліп кетті алыс,
Енді болмайды тоқырап, тоқталыс.
Анау ақ бұлттар – тулап түсетін найзағай
Немесе ашудан атылған ақ барыс.

Толық

Ақ шилер

  • 0
  • 0

Құм Тосын жаққа құларда
Қол бұлғаушы еді ақ шилер.
Малынып мұхит мұнарға,
Толқындаушы еді ақ шилер.

Толық

Шешемнің бір хаты

  • 0
  • 0

...Сен кеткен соң кешкісін суға бардым,
Сол шау өзен жататын қырда қалғып.
– Суға неге келдің, – деп тулап алды,
Су қараңғы топас бір толқын келіп,

Толық

Қарап көріңіз